Diario

Liburu hau Vitruvio argitaletxeak atera du, argitaletxe bat zeinaren liburuek sortze maila altu samarra  duten, irakurlearengandik interes zehatza eskatzen dutenak, alde batera,  gaur egun klasikoak diren autoreak ezagutzeko asmotan dabilenak izan ohi duena (Jorge Luis Borges, Willian Faulkner, Edorta Jimenez, Karlos Linazosoro, eta beste hainbat irakusleari gozatsu izango zaizkionak berriz ere topatzea). 

Argitaletxe honen ildoa ohikoa du Hasier Rekondoren Diario (2026) ateratzean, jarraipena ematen baitio bere ikuspegi horri komikiaren eitetik ez urrun, horregatik testuaren estiloa bestelakoa da, arinagoa eta jostagarriagoa; besteak beste, egunkari formatua erabiltzean irakurketa jarraikakoagoa  da, saltoka irakurtzeko aukera ematen duena, atal laburretan.

Eguneroko honek hainbat hilabete lerroka-lerroka jasotzen ditu, egunez eguneko segidan, idazlearen bizipenak jasotzen dituela tartean egunerokotasun hori idazle aukeratu ezagunen aipamenak egiten duela, dela zatiren bat aipatuta, dela hariari tiraka ondo datorren zertzelada bat ekarrita.

Salgai dagoen liburu hau interesgarria da bizitzaren euskarri gisa irakurlearentzat, edozein mementoan jo dezake eta bertara irakurgai inspiratzaile gisa, idazleak bere testuinguruan jokatu duen modua iradokigarri egin dakiokeela bere aldetik nola edo hala orientabidea izateko erreferentzia klasikoen itsasoan olatu bat edo besteri entzunarena egiteko.

Idazlea kazetaria da idazten duena Deia egunkariko asteburuko Ortzadar gehigarrian literaturari buruz, eta Enpresabidea izeneko webgune euskarazkoan  ekonomiari buruz elkarrizketa gozo segida; kultura arloan zabal ibilia, hala yogan nola kazetaritzan, zein hiri foraleko kultur giroan, kultura jaso klasikoaren ondoan beste adierazpide herritar horien lehen eskuko berria ere baduela; haren ikuspegi kosmopolitak besarkatzen duen panoramika da harrigarri samarra, gure irudiko, erabiltzen dituen irakurgaien panoramagatik, aipu arinez helarazten dizkigun ideia multzo ugariak inguruko estutasun balizkoetatik ateratzen baikaitu huts egiten ez duen bestelako norabide batean, gainditzen duela gaur egungo mundu asaldatuak ezarri nahi digun hitsa izan daitekeen hori, zelan eta inguruko euskal kulturako egile ezagunekin nola edo hala honezkero aitortza dutenak zuzeneko kontaktua izan baitu haiekin.

Enpresabidea da idazlearen kazeta-lanak agertzen den webgunea. Ortzadar gehigarri literarioa da (Deia) haren kritikak jasotzen dituen webgunea. Facebooken ere badu orria, aipa dezagun bibliografia moduan.